भारतीय लिगमा सावित्राको चौथो ह्याट्रिक, गोकुलम ९-० ले विजयी
काठमाडौं : नेपाली स्टार फरवार्ड सावित्रा भण्डारी (साम्बा) एक्लैले ४ गोल गरेपछि भारतीय महिला लिग (आइडब्ल्यूएल) मा गोकुलम केरेला एफसीले सानदार जित निकालेको छ।
गए राति भएको खेलमा गोकुलमले माता कुमानी फुटबल क्लबलाई ९-० गोलको फराकिलो अन्तरले हरायो।
सावित्राले खेलको सातौं, १२ औं र ६८ औं मिनेटमा गोल गर्दै ह्याट्रिक पूरा गरेकी थिइन् । यसपछि उनले ६९ औं मिनेटमा अर्को गोल थपिन्। खेलमा उनले नै प्लेयर अफ दी म्याचको उपाधि जितिन्।
जारी लिगमा सावित्राको यो चौथो ह्याट्रिक हो। ६ खेलमा उनी कुल १९ गोलसहित सर्वाधिक गोलकर्ताको सूचीमा पनि पहिलो स्थानमा छिन्।
६ खेलमा पाँच जित र १ बराबरीपछि गोकुलम भने १६ अंकका साथ लिगमा समूह एको शीर्षस्थानमा छ।
वैशाख २७, २०८० बुधबार ०८:२७:३७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
