मेस्सीले जिते लाउरेस अवार्ड, अर्जेन्टिनालाई ‘टिम अफ द इयर’ को उपाधि

एजेन्सी : अर्जेन्टिनाका कप्तान लियोनल मेस्सीले लाउरेस वल्ड स्पोर्ट्स अवार्ड जितेका छन्।

अर्जेन्टिनालाई गत वर्ष विश्वकप दिलाउन महत्वपूर्ण भुमिका खेलेका मेस्सीले लाउरेस वल्ड स्पोर्ट्स अवार्ड अन्तर्गतको स्पोर्ट्सम्यान तर्फको उपाधि जितेका हुन्।

त्यसैगरी विश्वकप विजेता टिम अर्जेन्टिनाले पनि लाउरेस वल्ड स्पोर्ट्स अवार्डमा टिम अफ द इयरको अवार्ड हात पारेको छ।

सन् २०२२ को कतार विश्वकपमा अर्जेन्टिनाले डिफेन्डिङ च्याम्पियन फ्रान्सलाई टाइब्रेकरमा हराउँदै सन् १९८६ पछि पहिलो पटक उपाधि जितेको थियो।

विश्वकपमा ७ गोल गरेका मेस्सी प्रतियोगिताको सर्वोत्कृष्ट खेलाडी घोषित भएका थिए। मेस्सी एकै वर्ष खेलाडीको रुपमा व्यक्तिगत अवार्ड र टिमबाट समेत लाउरेस अवार्ड जित्ने पहिलो खेलाडी बनेका छन्।

त्यसैगरी स्पोर्ट्स वुमन अफ द इयरको उपाधि भने जमैकन धाविका शेली एन फ्रेजर प्राइसले जितेकी छन्।

वैशाख २६, २०८० मंगलबार ०८:२६:४२ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।