भारतीय मूलका सचित बने क्यानडाको सत्तारुढ लिबरल पार्टीको नयाँ अध्यक्ष

भारतीय मूलका सचित मेहरा क्यानडाको सत्तारुढ लिबरल पार्टीको नयाँ अध्यक्ष बनेका छन् ।

शनिबार भएको निर्वाचनको सोमबार नतिजा सार्वजनिक भएको हो । ४६ वर्षीय सचितले मीरा अहमदलाई हराए। 

सचित प्रधानमन्त्री जस्टिन ट्रुडोका नजिकका साथी हुन् र करिब ३२ वर्षदेखि लिबरल पार्टीसँग आबद्ध छन्।

कार्यतालिका अनुसार सन् २०२५ मा क्यानडामा आम निर्वाचन हुन लागेको छ । ट्रुडोले गठबन्धनसँग सरकार चलाइरहेका छन्। यसका लागि न्यूनतम साझा कार्यक्रम बनाउन सचितको महत्वपूर्ण भूमिका थियो । 

लिबरल पार्टीसँग यो निर्वाचनमा कडा प्रतिस्पर्धा हुने विश्वास गरिएको छ । यसका कारण उनको प्रतिस्पर्धा यस पार्टीको अध्यक्ष रहेकी मीरा अहमदसँग थियो । 

विजयपछि सचितले पार्टीका कार्यकर्तालाई धन्यवाद दिएका छन् । उनले भने, 'यो जित एक अर्थमा नयाँ चुनौतीको सुरुवात हो । अबको निर्वाचनको तयारी यही समयबाट सुरु गर्नुपर्छ । आफ्नो उम्मेदवारलाई जिताउन कडा मेहनत गर्नुपर्छ। हामी देशको हरेक भागमा लिबरल पार्टीका उम्मेदवारहरू जित्न चाहन्छौं र हामीले बलियो सरकार बनाउनुपर्छ।'

वैशाख २५, २०८० सोमबार २०:४४:१५ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।