क्रिकेटर नितिश राणाकी श्रीमतीलाई दुर्व्यवहारको आरोपमा दुई जना पक्राउ
एजेन्सी : आईपीएल टोली कोलकाता नाइट राइडर्सका कप्तान नितिश राणाकी श्रीमतीलाई दुर्व्यवहार गरेको आरोपमा प्रहरीले दुई जनालाई पक्राउ गरेको छ।
समाचार एजेन्सी पीटीआईका अनुसार शुक्रबार कीर्तिनगर पुलिस स्टेशनले इमेल मार्फत उजुरी प्राप्त गरेको थियो।
उजुरीमा राणाकी श्रीमतीले बिहीबार राति करिब ८ः३० बजे आफ्नो कारमा छतरपुरबाट निस्कँदै गर्दा रेड लाइटमा मोटरसाइकलमा आएका दुई जनाले कारमा हात राख्दै घुरेर हेरेको उल्लेख छ।
सीसीटीभी फुटेजका आधारमा १८ वर्षीय दुई किशोरलाई पक्राउ गरिएको प्रहरीलाई उद्धृत गर्दै भारतीय सञ्चारमाध्यमले लेखेका छन्।
घटनाबारे थप अनुसन्धान भइरहेको छ।
वैशाख २३, २०८० शनिबार १८:१८:०६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
