आईपीएलमा आज ‘एल क्लासिको’ म्याच, मुम्बई र चेन्नई भिड्दै
काठमाडौं : आईपीएलमा आज सर्वाधिक सफल दुई क्लब मुम्बई र चेन्नईबीच भिडन्त हुँदैछ। सर्वाधिक सफल, चर्चित र बलिया मानिने यी दुईबीचको खेललाई आईपीएलको ‘एल क्लासिको’ म्याच भन्ने गरिन्छ।
शनिबारको हुने दुई खेल मध्ये नेपाली समयअनुसार ३:४५ बजे हुने यस पहिलो खेल चेन्नईको घरेलु मैदानमा हुनेछ।
धोनीको कप्तानीमा रहेको चेन्नई मुम्बईलाई हराउँदै प्लेअफ सम्भावना बलियो बनाउने दाउमा छ।
उता लिगमा खराब सुरुवात गरेर हाल लगातार खेल जितिरहेको मुम्बई पनि चेन्नईलाई उसकै मैदानमा पराजित गर्दै लिगको दोस्रो स्थानमा उक्लन चाहन्छ।
साथै जारी लिगको पहिलो चरणको खेलमा चेन्नाईसँग भोगेको सात विकेटको हारको बदला लिने लक्ष्य पनि मुम्बईको छ।
चेन्नई १० खेलमा ११ अंकका साथ लिगको तेस्रो स्थानमा छ भने मुम्बई नौ खेलमा १० अंकका साथ छैटौं स्थानमा छ।
वैशाख २३, २०८० शनिबार १३:५९:५५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
