राजस्थानसँग पहिलो चरणको हारको बदला लिने दाउमा गुजरात

एजेन्सी : आईपीएलमा आज यस संस्करणको उपाधिका दाबेदार मानिएका गुजरात टाइटान्स र राजस्थान रोयल्सबीच भिडन्त हुँदैछ।

राजस्थानको घरेलु मैदान जयपुरमा हुने खेल नेपाली समयअनुसार साँझ ७:४५ बजे सुरु हुनेछ।

यस खेलमा गुजरात राजस्थानसँग पहिलो चरणको खेलमा भोगेको हारको बदला लिने तयारीमा छ। पहिलो चरणको खेलमा गुजरातलाई उसकै घरेलु मैदानमा राजस्थानले ३ विकेटले हराएको थियो।

लिगको शीर्षस्थानमा रहेको गुजरात आजको खेलमा जित हात पार्दै प्लेअफमा स्थान लगभग पक्का गर्ने दाउमा छ। तर उसलाई यसका लागि राजस्थानलाई उसकै घरेलु मैदानमा हराउनु पर्ने चुनौती छ।

जारी लिगमा ९ खेलबाट १२ अंक भएको गुजरातको मात्रै हो। चेन्नाइ र लखनउको १० खेलबाट ११/११ अंक छ।

९ खेलबाट १० अ‌ंक रहेको राजस्थानको लक्ष्य भने आज घरेलु मैदानको फाइदा उठाउँदै जितसँगै लिगको शीर्षस्थानमा उक्लने हो।

आजको खेल जितेमा राजस्थानको पनि गुजरातको जति नै समान १० खेलबाट १२ अंक हुनेछ। तर खेल जितेमा राजस्थान रनरेटका आधारमा पहिलो स्थानमा उक्लने छ।

वैशाख २२, २०८० शुक्रबार १३:३१:३८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।