नवनियुक्त मन्त्रीहरूको शपथ आज
काठमाडौं : नवनियुक्त तीन मन्त्रीहरूले बिहीबार पद तथा गोपनीयताको सपथ लिँदैछन्।
बुधबार प्रधानमन्त्री पुष्पकमल दाहाल ‘प्रचण्ड’ले नेपाली कांग्रेसका तीन नेतालाई मन्त्री नियुक्त गर्न सिफारिस गरेसँगै राष्ट्रपति रामचन्द्र पौडेलले उनीहरूलाई नियुक्ति गरेका थिए।
राष्ट्रपति पौडेलले कानून, न्याय तथा संसदीय मामिला मन्त्रीमा धनराज गुरुङ, स्वास्थ्य तथा जनसङ्ख्या मन्त्रीमा मोहनबहादुर बस्नेत र युवा तथा खेलकुद मन्त्रीमा डिगबहादुर लिम्बुलाई नियुक्ति गरेका हुन्।
बिहीबार दिउँसो ३ बजे उनीहरूको शपथ ग्रहणको कार्यक्रम रहेको राष्ट्रपति कार्यालयले जनाएको छ।
तीन जनामध्ये स्वास्थ्यमन्त्री बस्नेत यसअघि पनि मन्त्री भइसकेका हुन् भने कांग्रेस उपसभापति गुरुङ र नेता लिम्बू पहिलो पटक मन्त्री बनेका हुन्।
वैशाख २१, २०८० बिहीबार ०७:२८:४७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
