'आरआरआर' र 'बाहुबली २' लाई पछि पार्दै 'पुष्पा २' ले रिलिजअघि नै कमायो ६५ करोड भारु
पहिलो सिक्वेल सुपरहिट भएको दक्षिण भारतीय फिल्म पुष्पाको दोस्रो सिक्वेल 'पुष्पा २' आउँदो डिसेम्बरमा रिलिज हुने तयारीमा छ।
तर अल्लु अर्जुनको यस फिल्मले प्रदर्शनअघि नै कमाइ गर्न सुरु गरिसकेको छ।
सुकुमार निर्देशित यो फिल्मको अडियो राइट्स ६५ करोड भारुमा बिक्री भएको बताइएको छ । यसलाई अहिलेसम्मकै ठूलो सम्झौता मानिएको छ।
यसअघि कुनै पनि भारतीय फिल्मको अडियो अधिकार यति महँगोमा बिक्री नभएको भारतीय सिने पत्रिकाहरूले जनाएका छन्।
रिपोर्टअनुसार यसअघि आएका दक्षिण भारती फिल्म 'आरआरआर' 'साहो' र 'बाहुबली २' को अडियो अधिकार पनि १० देखि २५ करोडमा मात्र बिक्री भएका थिए।
फिल्मा अल्लुसँगै रश्मिका मन्डना, सामन्था, फहद फसिलको अभिनय छ।
वैशाख २०, २०८० बुधबार २२:१३:३९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
