सुरु भयो वर्षाले हिजो रोकिएको नेपाल र यूएईबीचको फाइनल खेल
काठमाडौं : हिजो (सोमबार) वर्षाको कारण रोकिएको नेपाल र यूएईबीचको एसीसी प्रिमियर कपको फाइनल खेल सुरु भएको छ।
खेल हिजो जुन अवस्थामा रोकिएको थियो आज त्यहीबाट सुरु भएको हो।
टियु क्रिकेट मैदानमा टस हारेर पहिला ब्याटिङको निम्तो पाएको यूएईले २७.३ ओभरमा ९ विकेट गुमाउँदै १०६ रन बनाएको अवस्थामा वर्षाका कारण खेल रोकिएको थियो।
अब आज १०६-९ बाट नै यूएईले ब्याटिङ थालेको छ। यूएईको एक विकेट खसाले लगत्तै नेपालले ब्याटिङ गर्नेछ।
यस खेलमा यूएईलाई हराउन सके नेपालले पहिलो पटक एसिया कप खेल्नेछ। जहाँ समूह चरणमा नेपालको भेट भारत र पाकिस्तानसँग हुनेछ।
वैशाख १९, २०८० मंगलबार ०९:०१:३४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
