बेंग्लोर र लखनऊबीच वर्षाले प्रभावित खेल पुनः सुरु

वर्षाले प्रभावित आईपीएलअन्तर्गत रोयल च्यालेन्जर्स बेंग्लोर र लखनउ सुपर जाइन्टबीचको खेल पुनः सुरु भएको छ। 

टस जितेर पहिला ब्याटिङ गरेको बेंग्लोरले १५.२ओभर खेलेपछि पानी पर्दा खेल रोकिएको थियो। 

बेंग्लोरले यो अवस्थामा ९३ रन बनाउँदा ४ विकेट गुमाइसकेको छ। आजको खेलमा विराट कोहलीले ३० बलमा मात्र ३१ रन बनाउँदै क्याच आउट हुँदा ११ बलमा मात्र ९ रन बनाएका अनुज रावत पनि क्याच आउट भएका थिए। 

यस्तै ग्लेन म्याक्सवेल पनि ५ बलमा मात्र ४ रन बनाए एलबीडब्ल्यु धरापमा परे। सुयस प्रभुदेशाई पनि ७ बलमा ६ रनमै क्याच आउट भए। 

क्रिजमा फाप डु प्लेसिस र दिनेश कार्तिकले खेलिरहँदा एकना स्पोर्ट सिटीमा वर्षा भएको हो। 

बेंग्लोरले पछिल्लो खेल हारेको थियो भने लखनउले जितेको थियो। आज जित निकाल्न सके लखनउ शीर्ष स्थानमा उक्लिनेछ। 

वैशाख १८, २०८० सोमबार २१:२९:३४ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।