ब्याटिङमा चल्न नसकेका दीपेन्द्र आज बेन्चमा, गुलशन झा प्लेइङ-११ मा
काठमाडौं : ब्याटिङमा लगातार खराब प्रदर्शन गरिरहेका अलराउन्डर दीपेन्द्रसिंह ऐरीलाई एसीसी प्रिमियर कपको फाइनल खेलमा आज युएईविरुद्ध बेन्चमा राखिएको छ।
नेपालले टियु क्रिकेट मैदानमा टस जितेर पहिले फिल्डिङ गर्ने निर्णय गर्दा टिममा एक परिवर्तन गरिएको हो।
फाइनल खेलमा दीपेन्द्रसिंह ऐरीको स्थानमा गुलशन झालाई प्लेइङ-११ मा राखिएको छ।
एसीसी प्रिमियर कपको उपाधि विजेता टिम यसै वर्ष हुने एसिया कपमा छनोट हुनेछ जसले समूह चरणमा भारत र पाकिस्तानसँग खेल्न पाउनेछ।
तर प्रतियोगिता सानदार प्रदर्शन गरेर उच्च लयमा रहेको नेपाललाई आजको खेलमा चिन्ता भने वर्षाको छ।
वैशाख १८, २०८० सोमबार ०९:०३:५७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
