योग्य टाेली फाइनल पुगे, कुनै पनि समय खेल बदल्नसक्छन् : कप्तान मक्सुद
काठमाडौं : ओमानको क्रिकेट टोलीका कप्तान जीसन मक्सुदले एसीसी प्रिमियर कपको फाइनलका रोमाञ्चक हुने विश्वास व्यक्त गरेका छन्।
तेस्रो स्थानका लागि आइतबार भएको खेलपछि सञ्चारकर्मीसँग कुरा गर्दै कप्तान मक्सुदले योग्य टोलीहरू फाइनल पुगेको र दुवै टोलीले कुनै पनि समयमा खेल बदल्नसक्ने भएकाले फाइनल रोमाञ्चक हुने बताएका हुन्।
उनले भने, ‘नेपाल र युएई दुवै राम्रा टोली हुन्। उनीहरूको फिल्डिङ र बलिङ साइड राम्रो छ। उनीहरूले कुनै पनि समयमा खेल बदल्नसक्छन्। दुवै टोली फाइनल खेल्न योग्य टोली हुन्। म दुवै टोलीलाई शुभकामना दिन चाहन्छु।’
यस्तै, मस्कुदले नेपालमा आएर खेल्न आफूहरूलाई रमाइलो लाग्ने बताएका छन्। नेपालले निमन्त्रणा गरेमा आफूहरू बाइलाट्रल सिरिजका लागि आउने बताए। ठूलो दर्शकमाझ क्रिकेट खेल्दा आफूहरूको पनि चाहना रहेको बताए।
वैशाख १७, २०८० आइतबार २०:५२:१७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
