एसीसी प्रिमियर कप : समूह विजेता बन्न नेपालले कतारलाई हराउनु पर्ने

काठमाडौं : यूएई र ओमान काठमाडौंमा जारी एसीसी प्रिमियर कप क्रिकेटको सेमिफाइनलमा प्रवेश गरेका छन्।

आज त्रिवि क्रिकेट मैदानमा भएको खेलमा साउदी अरबलाई ७२ रनले पराजित गर्दै ओमान सेमिफाइनलमा प्रवेश गरेको हो।

नेपाल रहेको समूह ‘ए’ बाट  ४ खेलमा ३ जित र १ हारसहित ६ अंक जोडेर समूहको शीर्षस्थानमा उक्लंदै ओमानले अन्तिम चारमा स्थान पक्का गरेको हो।

नेपाललाई अब समूह विजेता बन्न भोलि (बिहीबार) हुने अन्तिम खेलमा कतारलाई हराउनु पर्ने हुन्छ। भोलि नेपाल र कतार तथा हङकङ र कुवेतबीचको खेलको नतिजापछि सेमिफाइनलमा भिड्ने टिमको टुंगो लाग्नेछ।

आजै मूलपानी मैदानमा भएको अर्को खेलमा यूएईले बहराइनलाई ८ विकेटले हराउँदै अन्तिम चारमा स्थान सुरक्षित गरेको छ।

जितसँगै समूह ‘बी’मा ४ खेलमा ३ जित र १ हारसहित ६ अंक जोडेर यूएईले सेमिफाइनलमा ठाउँ पक्का गरेको हो।

अब यस समूहमा हुने हङकङ र कुवेतबीचको खेलबाट यूएई वा हङकङ को समूह विजेता बन्ने तय हुनेछ।

वैशाख १३, २०८० बुधबार १९:१४:११ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।