गिरोनासँग रियलको लज्जास्पद हार, भ्यालेन्टिन एक्लैले गरे चार गोल
गिरोनाले गएराति रियल मड्रिडलाई ४–२ गोलको अन्तरले हराएको छ।
स्पेनिस ला लिगामा रियलको यो छैटौं हार हो। पहिलो हाफमा २ तथा दोस्रो हाफमा २ गोल खाएको रियलले भिनिसियस जुनिअरले ३४ औं र लुकास भाजक्विजले ८५ औं मिनेटमा दुई गोल फर्काए पनि जित पर्याप्त भएन।
गिरोनाका लागि घरेलु मैदानमा भ्यालेन्टिन क्यासेलानेस एक्लैले ४ गोल गरेका हुन्। उनले १२, २४, ४६ ६२ औं मिनेटमा गोल गरे।
हारपछि रियलले शीर्षस्थानको बार्सिलोनासँग अंक दूरी घटाउने मौका गुमाएको छ। ३१ खेलबाट रियलले ६५ अंक जोडेको छ। बार्सिलोनाको भने ३० खेलबाट ७६ अंक छ।
वैशाख १३, २०८० बुधबार ०७:२४:३९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
