मनाङले भोग्यो लगातार पाँचौं हार, जितका बाबजुद पुलिस लिगको अन्तिम स्थानमै
काठमाडौं : मनाङ मर्स्याङ्दी क्लबले जारी सहिद स्मारक ‘ए’ डिभिजन लिगमा लगातार पाँचौ हार भोगेको छ।
लिग अन्तर्गतको आज सम्पन्न खेलमा मनाङलाई नेपाल पुलिस क्लबले १–० ले पराजित गर्यो।
एन्फा कम्प्लेक्समा भएको खेलमा पुलिसको जितका एक मात्र निर्णायक गोल सातौं मिनेटमा नै भारतीय खेलाडी मोहम्मद आशिकले पेनाल्टीमार्फत गरेका थिए।
खेलको सुरुवाततिरको यो गोल नै निर्णायक बन्दा मनाङले लिगमा पाँचौं हार भोगेको हो।
यो हारसँगै मनाङ १२ खेलबाट १५ अंकका साथ लिगको आठौं स्थानमा यथावतै छ। जितपछि पनि पुलिस भने १२ खेलबाट ९ अंकसहित लिगको अन्तिम स्थानमा छ।
वैशाख १२, २०८० मंगलबार १८:१८:२१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
