नेपाल र साउदीबीचको खेल रद्द, नेपाल सेमिफाइनलमा
काठमाडौं : एसीसी प्रिमियर कपअन्तर्गत समूह ‘ए’ अन्तर्गत नेपाल र साउदी अरेबियाबीचको खेल वर्षा कारण रद्द भएको छ।
मुलपानी मैदान विहान ९ बजे सुरु हुने पर्ने खेल वर्षा कारण मध्यान्ह १२ः३० बजेसम्न पनि टस हुन सकेन।
वर्षा झनै बढेपछि म्याच रेफ्रीले खेल रद्द भएको औपचारिक घोषणा गरेका हुन्। खेल रद्द भएसँगै नेपाल र साउदीले एक–एक अंक बाँडेका छन्।
एक अंक जोडेसँगै नेपाल अन्तिम खेलअघि सेमिफाइनल पुगेको छ। समूहको शीर्ष स्थानको नेपालले अन्तिम खेलअघि पाँच अंक जोडेको छ।
नेपालले अन्तिम खेलमा बिहीबार कतारसँग खेल्नेछ। सो खेलमा जित हात पारे नेपाल समूह विजेता बन्नेछ।
नेपालले यसअघि दुवै खेलमा जित हात पारेको थियो। कीर्तिपुरमा नेपालले मलेसिया र ओमानमाथि जित हात पारेको थियो।
वैशाख ११, २०८० सोमबार १२:४४:४४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
