छक्का पन्जा-४ ले १६ हलमा मनायो ५१ दिन
काठमाडौँ : अधिकांश फिल्म एक साता पनि हलमा टिक्न मुस्किल छ। तर फिल्म छक्का पन्जा ४ ले १६ वटा हलमा ५१ दिन मनाएको छ। फिल्म फागुन १९ मा रिलिज भएको थियो।
आमा सरस्वती मुभिजको ब्यानरमा फिल्म बनेको हो।फिल्मले घरेलु बक्स अफिसमा २० करोड नजिकको ग्रस कलेक्सन गरेको छ।
फिल्ममा दीपकराज गिरी, दीपाश्री निरौला, बेनिशा हमाल, मलिना जोशी, केदार घिमिरे (माग्ने बुढा), बुद्धि तामाङ, रमेश बुढाथोकी, नीर शाह, राज आचार्य, निर्मल शर्मा, शिशिर बाङ्गदेल लगायतका कलाकारको अभिनय छ।
हेमराज बिसीद्वारा निर्देशित यो फिल्मको पटकथा तथा संवाद दीपकराज गिरीले लेखेका हुन्। नरेन्द्र मैनालीको छायाङ्कन रहेको फिल्मका केदारप्रसाद घिमिरे र निर्मल शर्मा कार्यकारी निर्माता हुन्।
वैशाख ९, २०८० शनिबार २२:४७:२४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
