दुई सातादेखि बारपाकमा नेपाल टेलिकमको नेटवर्कमा समस्या
१ वर्ष अघि
गोरखा : गोरखाको पर्यटकीय क्षेत्र बारपाकमा नेपाल टेलिकमको नेटवर्कमा समस्या देखिएको छ।
करिब एक हजार चार सय परिवारको बसोबास रहेको बारपाक क्षेत्रमा दुई सातादेखि टेलिकमको नेटवर्कमा समस्या आएको हो।
स्थानीयवासी सुकबहादुर गुरुङका अनुसार नेटवर्कमा समस्या आएपछि फोन गर्न र इन्टरनेट चलाउन कठिनाइ भएको छ।
उनले फोन नलाग्ने, टावर नदेखाउने र इन्टरनेट चलाउन डाटा समेत नचलेका कारण स्थानीयवासीले सञ्चार सम्पर्कका लागि हैरानी खेप्नुपरेको बताए।
नेपाल टेलिकम गोरखा शाखाका प्रमुख सरोज अर्यालले बारपाकमा रहेको टेलिकमको टावरमा विद्युतको भोल्टेज नपुग्दा नेटवर्कमा समस्या आएको बताए।
समस्या समाधान गर्न त्यहाँ रहेको टेलिकमको टावरमा केन्द्रीय प्रसारण लाइनको थ्री फेज लाइनको मिटर जडान गर्न कार्यालयले आवश्यक पहल गरिरहेको उनले जानकारी दिए।
वैशाख ८, २०८० शुक्रबार ०९:४९:५३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
