यश चोपडाकी पत्नी पामेलाको निधन
एजेन्सी : बलिउड फिल्म निर्देशक तथा निर्माता यश चोपडाकी पत्नी पामेला चोपडाको निधन भएको छ।
उनको ७४ वर्षको उमेरमा बिहीबार विहान अन्तिम श्वास लिएको यशराज फिल्म्सले जारी गरेको विज्ञप्तिमा उल्लेख छ।
विज्ञप्तिमा भनिएको छ, ‘पामेला चोपडाको ७४ वर्षको उमेरमा निधन भएको कुरा भारी मनका साथ जानकारी गराउन चाहन्छौं। उनको अन्तिम संस्कार आज बिहान ११ बजे मुम्बईमा गरिएको छ। हामी तपाईंको प्रार्थनाको लागि धन्यवाद दिन्छौं। साथै यो दुखद् घडीमा हाम्रो गोपनीयताको सम्मान गर्न अनुरोध गर्दछौं।’
पामेला चोपडा पछिल्लो पटक नेटफ्लिक्सको डकुमेन्ट्री ‘द रोमान्टिक्स’ मा देखिएकी थिइन्।
उनी एक गायिका पनि थिइन् र यशराज ब्यानरका धेरै फिल्महरूको लागि कस्ट्युम डिजाइन गरेकी छन्।
वैशाख ७, २०८० बिहीबार १२:४१:३० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
