फ्यानले सचिनसँग तुलना गर्दा लजाउँछन् विराट, भन्छन्' तुलनै हुन सक्दैन'

एजेन्सी : सचिन तेन्दुलकर अनि विराट कोहली दुवै क्रिकेटका मास्टर। सचिनलाई उनका प्रशंसकहरू क्रिकेटको भगवान मान्छन्। उता विराटका प्रशंसक उनलाई मोडर्न  डे ग्रेट।

वन डे अनि टेस्टमा यी दुवै ब्याट्सम्यानले टन्नै रन बनाएका छन्। कोहलीले जब जब सचिनको रेकर्ड तोड्दै गए यी दुईमध्ये को महान् खेलाडी भन्ने बहस बढ्दै गयो। अब त कोहली अन्तर्राष्ट्रिय सेन्चुरीमा पनि सचिनको रेकर्ड नजिक पुगेका छन्। यसले क्रिकेटमा फ्यानकाविच पुन यो बहस चर्किएको छ।

तर कोहली आफैँ भने यो बहस सुन्यो कि लाज मान्ने रहेछन्। भारतीय एक टेलिभिजनसँगको अन्तर्वार्तामा उनले आफूसँग प्रतिभा भएको तर आफ्नो प्रतिभा अविश्वसनीय भने नभएको बताए।

३४ वर्षको उमेरमा आफू जुन स्थानमा बस्न पाएको हो त्यो सपनामा पनि नसोचेको भन्दै आफू दृढ निश्चयी स्वभावको रहेको बताए।
उनले आफूलाई सचिनसँग तुलना गर्दा सधैं लाज लाग्ने गरेको र हाँसेर टाल्ने प्रयास गर्ने बताए।

यस्तो कुरा गर्नेहरू देखेर कहाँबाट के-के कुरा ल्याउँछन् भन्ने लाग्ने गरेको भन्दै उनले भने' सचिनसँग सधैं मेरो भावनात्मक सम्बन्ध रह्यो। उनी सधैं प्रेरणाका स्रोत हुन्। उनले आफ्नो समयमा क्रिकेटमा जे गरे त्यो कसैसँग तुलनै हुन सक्दैन।

वैशाख ५, २०८० मंगलबार २३:५६:१२ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।