फोहर नउठाउने बालेनको निर्णयविरुद्धको रिटमा आज सुनुवाइ हुँदै

काठमाडौं : सिंहदरबार लगायतका सरकारी कार्यालयको फोहर नउठाउने काठमाडौं महानगरपालिकाका प्रमुख बालेन्द्र साह (बालेन)को निर्णयविरुद्ध सर्वोच्च अदालतमा परेको रिटमा आज (मंगलबार) सुनुवाइ हुँदैछ। 

सिंहदरबार, प्रधानमन्त्रीको सरकारी निवास बालुवाटार र राष्ट्रपति भवन शीतल निवासको फोहोर नउठाएपछि त्यसविरुद्ध अधिवक्ता पदमबहादुर श्रेष्ठले हिजो सर्वोच्चमा रिट दायर गरेका हुन्।

सिंहदरबारभित्रको फोहोर नउठाएका कारण जनस्वास्थ्यमा नकारात्मक असर परेको भन्दै फोहोर उठाउन काठमाडौं महानगरपालिकाविरुद्ध रिटमा आदेशको माग गरिएको छ।

संघीय सरकारले आफूले राखेको माग पूरा नगरेको भन्दै महानगरपालिकाका प्रमुख शाहले १० दिनअघि फोहोर संकलन गर्ने कम्पनीलाई सिंहदरबारभित्रको फोहोर नउठाउन निर्देशन दिएका थिए।

वैशाख ५, २०८० मंगलबार ०९:३४:५५ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।