गण्डकी, कर्णाली र सुदूरपश्चिममा हल्का वर्षाको सम्भावना
काठमाडौं : आज (सोमबार) देशका पहाडी भू-भागमा आंशिक बदली रही बाँकी स्थानमा सामान्यतया मौसम सफा रहनेछ।
गण्डकी, कर्णाली र सुदूर पश्चिम प्रदेशको पहाडी भू-भाग लगायत देशका पहाडी भु-भागका एक/दुई स्थानहरुमा मेघगर्जनसहित क्षणिक वर्षाको सम्भावना छ।
जल तथा मौसम विज्ञान विभागका अनुसार आज लुम्बिनी प्रदेशका तराईका थोरै स्थानहरूमा हावाहुरीको सम्भावना रहेको छ। साथै उपत्यका लगायत देशका धेरै भू-भागहरुमा तुवाँलो लाग्ने संभावना रहेको छ।
आज राति भने देशका पहाडी भू-भागमा आंशिक बदली रही बाँकी स्थानको मौसम सामान्यतया सफा रहने छ।
वैशाख ४, २०८० सोमबार ०७:०८:४४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
