भन्सार छलेको १०१ ग्राम सुनका गहनासहित दुई जना पक्राउ
उदयपुर : भन्सार छलेर नेपाल ल्याउँदै गरेको १०१ ग्राम सुनका गहनासहित प्रहरीले दुई जनालाई पक्राउ गरेको छ।
पक्राउ पर्नेमा बेलका नगरपालिका–४ बस्ने २९ वर्षीय खोमीराज विकसहित दुई जना छन्। उनीहरूलाई त्रियुगा नगरपालिका–६ बाट बुधबार राति प्रहरीले पक्राउ गरेको हो।
प्रहरी चौकी लालपत्ताबाट खटिएको प्रहरीले कदमाबाट गाईघाटतर्फ आउँदै गरेका उनीहरूलाई जाँच गर्ने क्रममा भन्सार छलेर ल्याउँदै गरेको गहनासहित फेला पारेको हो।
बरामद सामानसहित उनीहरूलाई आवश्यक कारबाहीको लागि राजश्व अनुसन्धान कार्यालय ईटहरी सुनसरी पठाइएको छ।
वैशाख १, २०८० शुक्रबार १६:५८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
