कैलालीमा एसईईका विद्यार्थी बोकेको जिप दुर्घटना, एक जनाको मृत्यु
काठमाडौं : कैलालीमा एसईईका विद्यार्थी सवार जिप दुर्घटना हुँदा एकजनाको मृत्यु भएको छ।
आइतबार साँझ करिब ७ बजे जिल्लाको चुरे गाउँपालिका फल्टुडेमा सु.प. प्र ०१००१ ज १४२३ नम्बरको जिप दुर्घटना हुँदा १ जनाको मृत्यु भएको जिल्ला प्रहरी कार्यालयले जनाएको छ।
दुर्घटनामा परी गम्भीर घाइते भएका चुरे गाउँपालिका–६ का १८ वर्षीय भानु ठगुन्नाको उपचारको लागि धनगढी लैजाँदै गर्दा बाटैमा मृत्यु भएको कैलालीका प्रहरी नायव उपरीक्षक (डीएसपी) कुलदीप चन्दले उकेरालाई जानकारी दिए।
दुर्घटनामा घाइते भएका १७ वर्षीय हरिश धामी, १८ वर्षीय सरस्वती र १६ वर्षीय प्रकाश धामीको सेती प्रादेशिक अस्पतालमा उपचार भइरहेको छ।
प्रहरीले जिप र चालकलाई नियन्त्रणमा लिएर दुर्घटनाबारे थप अनुसन्धान गरिरहेको छ। जिपमा चाकलसहित पाँच जना सवार थिए।
चैत २७, २०७९ सोमबार ११:२७:२२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
