प्रतापको स्वरमा दयाहाङ र प्रकृतिको अभिनय, ‘बिहे पास’ शीर्ष गीत सार्वजनिक

काठमाडौं : प्रदर्शनको संघारमा रहेको फिल्म ‘बिहे पास’ को शीर्ष गीत ‘मायाको बिहे पास..’ शुक्रबार सार्वजनिक गरिएको छ।

प्रताप दासको स्वर, विष्णु भण्डारीको शब्द र सरोज पोखरेलको संगीत रहेको गीत बुढा सुब्बा डिजिटलमार्फत दर्शकमाझ ल्याइएको हो।

फिल्मको मुख्य विषय र भाव प्रस्तुत गरिएको गीतमा दयाहाङ राई र प्रकृति श्रेष्ठलगायतका अधिकांश कलाकारलाई देख्न सकिन्छ।

सेन्सर बोर्डबाट युनिभर्सल सर्टिफिकेट प्राप्त फिल्मलाई प्रवेश पौडेलले निर्देशन गरेका हुन भने प्रस्तुतकर्तामा रोहित कट्टेल र कार्यकारी निर्मातामा रत्न श्रेष्ठ छन्।

शिव ढकालले खिचेको फिल्मलाई मित्र गुरुङले सम्पादन गरेका हुन्। रामजी लामिछानेको कोरियोग्राफी रहेको फिल्मको कथा मर्रे केर, आकाश बराल र सजन काफ्लले लेखेका हुन् भने पटकथा आकाश र सजनले बुनेका हुन्।

फिल्मको निर्मातामा रोजन श्रेष्ठ तथा सहनिर्मातामा ग्याल्जेन लामा र बालकृष्ण पाख्रिन छन्।

फिल्ममा दयाहाङ र प्रकृतिका साथमा श्याम राई, विशाल पहाडी, बुद्धि तामाङ, सुवास गजुरेल, हिउँवाला गौतम, रुषा न्यौपाने, नवीन शेरचन, उमा बानियाँ र प्रकाश भुजेलले अभिनय छ।

चैत २४, २०७९ शुक्रबार १४:५३:४७ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।