चेन्नईसँगको खेलअघि मुम्बई इन्डियन्सले लन्च गर्यो विशेष कुर्सी, मूल्य देखेर रिसाए फ्यान
एजेन्सी : जारी इन्डियन प्रिमियर लिग (आईपीएल)मा मुम्बई इन्डियन्सको सुरुवात उत्साहजनक रहेन। पहिलो खेलमा रोयल च्यालेन्जर्स बैंग्लोरसँग ८ विकेटले पराजित भयो।
टिमले अब दोस्रो खेल शनिबार घरेलु मैदानमा चेन्नई सुपर किंग्ससँग खेल्दैछ। पहिलो खेलमा पराजय भोगेको मुम्बईले दोस्रो खेल आफ्नो पक्षमा पार्ने फ्यानको आशा छ।
यसैबीच चेन्नईको खेलअघि मुम्बई इन्डियन्सले एक विशेष कुर्सी लन्च गरेको छ। उसले फ्यानका लागि भन्दै टिमको लोगोअंकित विशेष कुर्सी लन्च गरेको हो।
कुर्सीको तस्बिर र मूल्य सामाजिक सञ्जालमा राखेपछि टिमका फ्यान भने रिसाएका छन्। कुर्सीको मूल्य २९ हजार ९ सय ९९ भारतीय रुपैयाँ राखेपछि सामाजिक सञ्जालमा फ्यानहरूले मूल्यलाई लिएर मजाक बनाइरहेका छन्।
उनीहरूले मूल्य घटाउनुपर्नेसमेत माग गरेका छन्।
चैत २३, २०७९ बिहीबार १७:२९:४६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
