आईपीएल हेर्न स्टेडियम पुगे ऋषभ पन्त, दर्शकले यसरी गरे स्वागत (भिडियो)
एजेन्सी : इन्डियन प्रिमियर लिग (आईपीएल)को मंगलबारकाे खेलमा दिल्ली क्यापिटल्स र गुजरात टाइटन्सबीच हुँदैछ।
दिल्लीको घरेलु मैदान अरुण जेटली स्टेडियममा भइरहेको खेलमा दिल्लीले गुजरातलाई १६३ रनको लक्ष्य दियो। उसले २० ओभरमा ८ विकेट गुमाएर १६२ रन बनायो।
खेल हेर्न सडक दुर्घटनामा परी घाइते भएका दिल्ली क्यापिटल्सका पूर्वकप्तान ऋषभ पन्त पनि मैदानमा देखा परेका थिए।
घाइते भएकै कारण उनले यसपटक आईपीएलमा सहभागी हुन पाएका छैनन्।
यही कारणले गर्दा जब उनको अनुहार फिरोजशाह कोटला मैदानमा ठूलो पर्दामा देखाइएको थियो, तब रंगशालामा उनको जयजयकार गर्ने खेलाडीको कोलाहल गुन्जिएको थियो।
सडक दुर्घटनामा घाइते भएका ऋषभ पन्तको शल्यक्रिया गर्नुपरेको थियो।
Look who's here supporting the @DelhiCapitals - RP 17 🤌🤌#TATAIPL pic.twitter.com/56Dd0Tw7NE
— IndianPremierLeague (@IPL) April 4, 2023
चैत २१, २०७९ मंगलबार २१:५०:१४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
