विवाहको खबर फैलिएपछि नसीम शाहले दिए स्पष्टीकरण
एजेन्सी : पाकिस्तान क्रिकेट टोलीका फास्ट बलर नसीम शाहले हालै सामाजिक सञ्जालमा एउटा तस्बिर शेयर गरेपछि उनको विवाहको बारेमा अड्कलबाजी सुरु भएको छ।
२० वर्षीय क्रिकेटर नसीम शाहले इन्स्टाग्राममा एउटा स्टोरी सेयर गरेका छन्। जसमा उनी आफ्ना बुवा र अर्का व्यक्तिसँग बसेका थिए।
यो तस्बिरमा उनले कालो टिसर्ट लगाएका छन्। उनका बुवा भने परम्परागत कपडामा देखिन्छन्। उनले तस्बिरमासँगै लेखेक छन्, ‘अलहम्दुलिल्लाह’
यो तस्बिर सार्वजनिक हुनासाथ शाहले बिहे गर्न लागेको अड्कलबाजी सुरु भएको हो।
चर्चा चर्किदै गएपछि उनले इन्स्टाग्राममा एउटा स्टोरी सेयर गर्दै भनेका छन्, ‘मैले सेयर गरेको तस्बिर मेरो इन्गेजमेन्ट वा बिवाहको होइन, न त यो मेरो कुनै सम्बन्धसँग सम्बन्धित थियो। कृपया यसलाई गलत अर्थ लगाउन बन्द गर्नुहोस् । यो एक साधारण परिवारिक भेटघाटके तस्बिर थियो।’
नसिम शाह सन् २०२२ को एसिया कपमा आफ्नो बलियो इनिङ्सका कारण चर्चामा आएका थिए। त्यसपछि उनी सधैँ चर्चामै छन्।
२० वर्षीय खेलाडीले आफ्नो अन्तर्राष्ट्रिय करियरमा १५ टेस्ट, पाँच एकदिवसीय र १६ टी–० खेल खेलेर ७४ विकेट लिएका छन्।
चैत २१, २०७९ मंगलबार १४:२१:२८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
