बसले ठक्कर दिंदा ७५ वर्षीय साइकल चालकको ज्यान गयो
१ वर्ष अघि
चितवन : पूर्वी चितवनको बकुलर चोकमा बसले साइकललाई ठक्कर दिंदा साइकल चालकको मृत्यु भएको छ।
मृत्यु हुनेमा रत्ननगर नगरपालिका-१ का ७५ वर्षीय कुलप्रसाद पराजुली रहेका छन्।
आज बिहान भरतपुरबाट टाँडीतर्फ जाँदै गरेको बा ४ ख ८९१६ नम्बरको बसले साइकल यात्री पराजुलीलाई ठक्कर दिएको थियो।
ठक्करबाट घाइते भएका पराजुलीको चितवन मेडिकल कलेजमा उपचारका क्रममा मृत्यु भएको जिल्ला प्रहरी कार्यालय चितवनले जनाएको छ।
यस दुर्घटनामा संलग्न बस र चालकलाई नियन्त्रणमा लिएर अनुसन्धान भइरहेको प्रहरीले जनाएको छ।
चैत २१, २०७९ मंगलबार १३:१३:३० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
