लिड्स युनाइटेडमाथि आर्सनलको शानदार जित

एजेन्सी : इंग्लिस प्रिमियर लिगमा आर्सनलले लिड्स युनाइटेडमाथि ४–१ को शानदार जित दर्ता गर्दै शीर्षस्थान कायमै राखेको छ।

इमिरेट्स स्टेडियम लन्डनमा आइतबार राति भएको एक पक्षीय खेलमा घरेलु टोली आर्सनलले खेलको ३५औं मिनेटमा जेससको पेनाल्टी गोलबाट अग्रता लिएको थियो।

गाब्रिएल मार्टिनेलीको पासलाई सदुपयोग गर्दै ४७औँ मिनेटमा बेन ह्वाइटले आर्सनलको पहिलो हाफमा नै अग्रतालाई दोब्बर पारे।

पहिलो हाफमा दोब्बर अग्रताले अघि बढेको आर्सनल दोस्रो हाफको ५५औं मिनेटमा जेससले व्यक्तिगत दोस्रो तथा टोलीका लागि तेस्रो गोल गर्दै आर्सनललाई सहज जिततर्फ अग्रसर गराए।

तर, ७६औं मिनेटमा युनाइटेडका रसमुसले गोल गर्दै खेललाई ३–१ ले स्थितिमा ल्याए पनि खेल सकिनु केही समयअघि अर्थात ८४औं मिनेटमा ग्रानिट झाँकाले मार्टिन ओडेगार्डको पासमा गोल गदै आर्सनललाई ४–१ को सानदार जित दिलाउन सफल भए।

जितसँगै शीर्षस्थानमा रहेको आर्सनलले ८ अंककै अग्रता कायमै राख्न सफल भएको छ। जसअनुसार आर्सनलको २९ खेलबाट ७२ अंक पुगेको छ।

एक खेल कम खेलेको सिटीको आर्सनललाई पछ्याउँदै ६४ अंकसहित दोस्रो स्थानमा छ। पराजित लिड्स भने २६ अंक जोडेर १६औं स्थानमा छ।

चैत १९, २०७९ आइतबार ०७:५७:४७ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।