अरिजितले राेक्न सकेनन् इमाेसन, छोए धोनीको गोडा

एजेन्सी : शुक्रबार इन्डियन प्रिमियर लिग (आईपीएल)को उद्घाटन समारोहसहित उद्घाटन खेल भयो।

समारोहमा गायक अरिजित सिंह, नायिकाद्वय तमन्ना भाटिया र रश्मिका मन्डनाले आफ्नो प्रस्तुति दिए।

यतिबेला उद्घाटन समारोहको प्रस्तुति र उद्घाटन खेलको भन्दा पनि अरिजित सिंहको बढि चर्चा भइरहेको छ।

सिंहले भारतीय टिमका पूर्वकप्तान एवं चेन्नई सुपरकिंग्सका कप्तान महेन्द्रसिंह धोनीको गोडा छोएको तस्बिर अहिले सामाजिक सञ्जालमा भाइरल बनेको छ।

उद्घाटन समारोहमा जब धोनी स्टेजमा अरिजित सिंहको नजिक पुगे, त्यसपछि अरिजितले आफ्नाे इमाेसन थाम्न सकेनन् र झुकेर धोनीको गोडा छोए।

अरिजित सिंहको धोनीप्रतिको यो माया देखेर फ्यानहरूले सामाजिक सञ्जालमा तस्बिरलाई शेयर गरिरहेका छन्।

खेलमा भने धोनी टीम गुजरात टाइटन्ससँग पाँच विकेटले पराजित भयो। चेन्नईले दिएको १७९ रनको लक्ष्य पछ्याउने क्रममा गुजरातले चार बल बाँकी रहँदा पाँच विकेटमा १८२ रन बनायो।

चैत १८, २०७९ शनिबार १०:३९:३७ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।