मन्त्रिपरिषद् विस्तार आज, तीन बजे शपथग्रहण
काठमाडौं : प्रधानमन्त्री पुष्पकमल दाहाल ‘प्रचण्ड’ले आज (शुक्रबार) मन्त्रिपरिषद् विस्तार गर्दैछन्।
त्यसका लागि दिउँसो एक बजेभित्र दलहरूलाई मन्त्री बन्नेहरूको नामावली बुझाउन भनिएको प्रधानमन्त्रीका राजनीतिक सल्लाहकार हरिबोल गजुरेलले उकेरालाई जानकारी दिए।
दलहरूबाट नामावली आएपछि दिउँसो ३ बजे मन्त्रीहरूको शपथ ग्रहण समारोह हुनेछ।
१० पुसको सत्ता गठबन्धन भत्किएसँगै प्रधानमन्त्री प्रचण्डले एक महिनादेखि १६ मन्त्रालय आफैं चलाइरहेका छन्।
सत्ता साझेदार दलहरूका बीचमा कांग्रेसले ८, माओवादी केन्द्रले ५, एकीकृत समाजवादी र जनता समाजवादी पार्टी (जसपा) ले २/२ मन्त्रालय पाउने समझदारी छ।
यस्तै जनमत पार्टी, लोकतान्त्रिक समाजवादी पार्टी, नागरिक उन्मुक्ति पार्टी र नेपाल समाजवादी पार्टीले १/१ मन्त्रालय पाउनेछन्।
चैत १७, २०७९ शुक्रबार ०७:५५:३१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
