आजको मौसम : हल्का वर्षा र हिमपातको सम्भावना
काठमाडौं : हाल देशमा स्थानीय वायु र पश्चिमी वायुको प्रभाव उत्तिकै रहेको मौसम पूर्वानुमान महाशाखाले जनाएको छ।
जसका कारण गण्डकी, कर्णाली, लुम्बिनी र सुदूरपश्चिम प्रदेशसहित देशका पहाडी भू-भागमा सामान्य बदली रहेको छ।
महाशाखाका अनुसार देशका अन्य भू-भागमा भने आंशिक बदली देखि मौसम सामान्यतया सफा छ।
शुक्रबार मौसम देशभर सामान्य देखि पूर्ण बदली रहने जल तथा मौसम विज्ञान विभागले जनाएको छ।
त्यस्तै देशका केही स्थानहरूमा मेघ गर्जन, चट्याङ र हावाहुरीसहित हल्का देखि मध्यम वर्षाको सम्भावना रहेको छ।
देशका उच्च पहाडी तथा हिमाली भू-भागका थोरै स्थानमा भने हल्का हिमपातको सम्भावना छ।
चैत १७, २०७९ शुक्रबार ०७:३५:०४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
