शेखरसहित कांग्रेसका चार नेतालाई स्वर्णिमले पठाएको सन्देश' अहिले बस्न सकिन, तपाइहरूको निर्णय गर्ने हैसियत बनेको दिन फर्किउँला'
काठमाडौँ : अर्थविद् स्वर्णिम वाग्लेले नेपाली काँग्रेसको इतर समूहका चार नेतालाई सन्देश पठाउँदै काँग्रेस छाड्ने निर्णयमा पुगेको बताएका छन्। उनले इतर समूहका नेता शेखर कोइराला, महामन्त्री गगन थापा र विश्वप्रकाश शर्मा र डा गोविन्द पोखरेललाई सन्देश पठाएका हुन्।
सन्देशमा उनले देउवा-आरजु गिरोहको निरन्तर हेपाइ र अपमानले पार्टीमा बस्न नसक्ने स्थिति आएको भन्दै पार्टीमा इतर समूहको निर्णायक हैसियत बनेको दिन फेरी कुनै न कुनै रुपमा जोडिन सक्ने आशा व्यक्त गरेका छन्।
उनले सन्देशमा अब कुरेर बस्ने, कृपा र निगाहको जीवनपर्यन्त राजनीतिभन्दा समयसीमा तोकेर आफ्नो उमेर, ज्ञान र ऊर्जा सान्दर्भिक रहँदै डेलिभरीको प्रयोगमा जान चाहेको लेखेका छन्।
उनले पार्टी छाड्ने निर्णय अगाडि भेटेको भए काँग्रेस नछाड्न भन्ने र त्यसपछि छोड्दा अवज्ञा गरेको हुने भएकाले पछि नै बस्ने लेखेका छन्।
उनी काँग्रेस छाडेर तनहुँ-१ को उप निर्वाचनमा राष्ट्रिय स्वतन्त्र पार्टीबाट उम्मेदवार हुने प्रयासमा छन्।
चैत १६, २०७९ बिहीबार १६:३९:३० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
