तीन जना सवार माेटरसाइकल पोलमा ठाेकिँदा चालकको मृत्यु
बारा : जिल्लाको निजगढ नगरपालिका-१३ मा बुधबार बेलुकी मोटरसाइकल दुर्घटना हुँदा चालकको मृत्यु भएको छ।
पछाडी सवार २ जना भने घाइते भएका छन्। मृत्यु हुनेमा निजगढ नगरपालिका-१३ वेशीगाउँका १८ वर्षीय दिपक विक रहेका छन्।
दुर्घटनामा गम्भीर घाइते भएका दिपकको उपचारको क्रममा रतनपुर स्थित एम्स अस्पतालमा गएराती साढे १ बजे मृत्यु भएको हो।
घाइते भएका मोटरसाइकलमा पछाडी सवार सोही ठाँउका ३० वर्षीय चन्द्र बहादुर बल र १७ वर्षीय निभराज मोक्तानको सोही अस्पतालमै उपचार भइरहेको छ।
ना २३ प ६२७७ नम्बरको मोटरसाइकल बुधबार बेलुकी सवा ७ बजे अनियन्त्रित भई बिजुलीको पोलमा ठोकिएको अस्थायी प्रहरी पोष्ट, रतनपुरले जनाएको छ।
चैत ९, २०७९ बिहीबार १०:०५:३५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
