अर्धशतक बनाएर आउट भए कुशल भुर्तेल
काठमाडौं : कुशल भुर्तेलले युएईविरूद्ध अर्धशतक पूरा गरेका छन्।
आईसीसी विश्वकप क्रिकेट लिग-२ अन्तर्गत अन्तिम खेलमा कीर्तिमानी लक्ष्य पछ्याइरहेको नेपालका लागि उनले ३२ बलमा ३ चौका र ४ छक्कासहित ५० रन पूरा गरेका हुन्।
यो भुर्तेलको पाँचौ एकदिवसीय अर्धशतक हो। अर्धशतक प्रहार गरेपछि भएको ड्रिङ्क्स ब्रेकपछि पुन: ब्याटिङ गर्न आएका उनी आउट भए। उनी आउट भएसँगै नेपालको चौथो विकेट गुमेको छ।
कीर्तिपुरस्थित त्रिवि मैदानमा टस जितेर पहिले ब्याटिङ गरेको युएईले निर्धारित ५० ओभरमा ६ विकेटको गुमाउँदै ३१० रन बनाएको थियो।
३११ रनको विशाल लक्ष्य पछ्याएको नेपालले खराब सुरूवात गरेकाे छ।
चैत २, २०७९ बिहीबार १५:०८:५१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
