सन्दीपले आक्रामक ब्याटिङ गरिरहेका वासिमको विकेट लिएसँगै खेलमा फर्कंदै नेपाल
काठमाडौं : स्टार स्पिनर सन्दीप लामिछानेले आक्रामक ब्याटिङ गरिरहेका मोहम्मद वासिमको विकेट लिएसँगै नेपाल यूएईविरुद्ध खेलमा फर्किएको छ।
टीयू क्रिकेट मैदानमा टस जितेर पहिला ब्याटिङ रोजेको यूएईले राम्रो सुरुवात गर्दै १६ औं औभरमा मात्र एक विकेटको नोक्सानीमा ९५ रन जोडिसकेको थियो।
मोहम्मद वासिमले मात्र ४९ बलमा २ चौका र ६ छक्कासहित अर्धशतकीय पारी खेल्दै ६३ रन बनाएका थिए।
तर उनी सन्दीप लामिछानेको बलमा एलबीडब्लू धरापमा परेपछि भने यूएईको खेल पनि खस्किएको छ।
२८ ओभरको खेल सकिंदासम्म यूएईले १२९ रनमा ४ विकेट गुमाइसकेको छ। नेपालका लागि तीव्र गतिका बलर सोमपाल कामी र ललित राजवंशीले थप एक एक विकेट लिएका छन्।
चैत २, २०७९ बिहीबार ११:३७:१७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
