नेपाली क्रिकेट टिमलाई समर्थन गर्न प्रधानमन्त्री प्रचण्डसमेत पुगे टीयू मैदान
काठमाडौं : यूएईविरुद्धको खेलका लागि नेपाली क्रिकेट टिमलाई समर्थन गर्न प्रधानमन्त्री पुष्पकमल दाहाल ‘प्रचण्ड’ समेत टीयू क्रिकेट मैदान कीर्तिपुर पुगेका छन्।
नेपालले आज आईसीसी विश्वकप लिग-२ को त्रिकोणात्मक एकदिवसीय सिरिजको अन्तिम तथा निर्णायक खेलमा यूएईको सामना गर्दैछ।
खेल सुरु हुन अगाडि प्रधानमन्त्रीले मैदानमा पुगेर खेलाडीहरूलाई शुभकामना दिएका थिए।
यस खेलमा यूएईलाई हराउन सके नेपालले सोझै विश्वकप छनोटमा खेल्न पाउनेछ। यसै वर्ष भारतमा हुने एकदिवसीय विश्वकपको छनोट आगामी जुन/जुलाईमा जिम्बावेमा हुँदैछ।
सिधै विश्वकप छनोटमा पुग्नुको अर्थ नेपालले दक्षिण अफ्रिका, वेष्ट इण्डिज, श्रीलंका मध्येका टेष्ट मान्यता प्राप्त राष्ट्रसँग खेल्न पाउनु हो।
चैत २, २०७९ बिहीबार ०९:४५:२५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
