यूएईविरुद्ध टस हारेर पहिले बलिङ गर्दै नेपाल, करणको स्थानमा गुलशन झा टिममा
काठमाडौं : आईसीसी विश्वकप लिग-२ को त्रिकोणात्मक एकदिवसीय सिरिजको अन्तिम तथा निर्णायक खेलमा यूएईविरुद्ध नेपालले टस हारेर पहिले बलिङ गर्दैछ।
टीयू क्रिकेट मैदानमा यूएईका कप्तानले टस जितेर पहिला ब्याटिङ गर्ने निर्णय गरेका हुन्।
आजको खेलमा नेपालले टिममा एक परिवर्तन गरेको छ। तीव्र गतिका बलर करण केसीलाई आज बेन्चमै राखिएको छ भने उनको स्थानमा गुलशन झा टिममा परेका छन्।
टीयू मैदानमा हुने यस खेलमा यूएईलाई हराउन सके नेपालले सोझै विश्वकप छनोटमा खेल्न पाउनेछ।
यसै वर्ष भारतमा हुने एकदिवसीय विश्वकपको छनोट आगामी जुन/जुलाईमा जिम्बावेमा हुँदैछ। यदि यो खेल हारेमा नेपालको ठाउँमा नामिबिया सोझै विश्वकप छनोटमा पुग्नेछ।
त्यसैगरी वर्षाको कारण खेल नभएमा वा बराबरीका कारण अंक बाँड्नु परेमा पनि नामिबियालाई फाइदा हुनेछ।
चैत २, २०७९ बिहीबार ०८:५९:३१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
