क्यानले भन्यो– टिकट सबै बिकिसक्यो, वृद्धवृृद्धा र बालबालिकाले घरबाटै सपोर्ट गर्नूस्
काठचमाडौं : नेपाल क्रिकेट संघ (क्यान)ले बिहीबार हुने नेपाल र युएईबीचको खेलको सम्पूर्ण टिकट बिक्री भइसकेको जनाएको छ।
बुधबार बेलुकी सामाजिक सञ्जालमार्फत क्यानले आईसीसी विश्वकप क्रिकेट लिग–२ को अन्तिम खेलको सम्पूर्ण टिकट बिक्री भइसकेको जनाएको हो।
साथै क्यानले बिहीबार ठूलो संख्यामा दर्शकहरू कीर्तिपुरस्थित त्रिवि क्रिकेट मैदानमा आउने भएकाले सुरक्षित र अनुशाशित भएर समर्थन गरिदिन आग्रह गरेको छ।
त्यस्तै उसले बालबालिका र वृद्धवृद्धालाई घरबाटै नेपाली क्रिकेटलाई समर्थन गर्न र मैदानमा नआउन सल्लाह दिएको छ।
नेपालले भोलिको खेल जिते विश्वकप क्वालिफायर खेल्नका लागि जिम्बावे जान छनोट हुने भएकाले पनि भोलिको खेल नेपालका लागि ठूलो महत्वको रहेको छ। फ्यानले पनि त्यहि उत्साहअनुसार टिकट किनेका छन्।
नेपाल र युएईबीचको खेल कान्तिपुर टेलिभिजनमा प्रत्यक्ष प्रसारण हुनेछ।
चैत १, २०७९ बुधबार २१:३९:०३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
