रोनाल्डो सम्मिलित अल नासर किङ्स कपको सेमिफाइनलमा
काठमाडौं : पोर्चुगिज स्टार क्रिस्टियानो रोनाल्डो सम्मिलित साउदी क्लब अल नासर किङ्स कपको सेमिफाइनलमा प्रवेश गरेको छ।
घरेलु मैदानमा अभा क्लबलाई ३–१ ले पराजित गर्दै अल नासरले सेमिफाइनलमा प्रवेश गरेको हो।
गएराति एमआरसुल पार्क रियादमा भएको खेलको पहिलो मिनेटमा नै अल नासरका सामी अल नाजेईले गोल गर्दै क्लबलाई १–० को अग्रता दिलाए।
यस्तै २१औं मिनेटमा अब्दुल्लाह अल्खाईवारी र ४९औं मिनेटमा मोहम्मेद मरनले गोल गरे।
तर ६९औं मिनेटमा अभाका अब्देल फटाह एडामले जवाफी गोल गरे। यद्यपि त्यसपछि दुवै पक्षबाट कुनै गोल हुन नसक्दा खेल नासरको पक्षमा पुग्यो।
चैत १, २०७९ बुधबार ०७:४६:१२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
