उपराष्ट्रपति उम्मेदवारको अन्तिम नामावली आज प्रकाशन हुँदै
काठमाडौं : आगामी चैत ३ मा हुने उपराष्ट्रपतिको निर्वाचनका लागि मनोनयन पत्र दर्ता भएका उम्मेदवारहरूको अन्तिम नामावली आज प्रकाशन हुँदैछ।
शनिबार भएको उम्मेदवारको मनोनयन पत्र दर्तामा चार जनाले उम्मेदवारी दर्ता गराएका थिए।
सत्तारुढ १० दलीय गठबन्धनबाट तीन जनाले उम्मेदवारी दर्ता गर्दा प्रतिपक्षी एमालेले एक जनाको उम्मेदवारी दर्ता गराएको थियो। एमालेले अष्टलक्ष्मी शाक्यलाई उपराष्ट्रपतिको उम्मेदवार बनाएको छ।
यस्तै सत्ता गठबन्धनको तर्फबाट जनता समाजवादी पार्टीका रामसहाय यादवसँगै जसपाकै प्रमिला यादव र जनमत पार्टीकी सांसद ममता झाले पनि उम्मेदवारी दर्ता गराएका छन्।
निर्वाचन अधिकृतको कार्यालयले आज १२ बजे मनोनयन पत्र र उजुरी उपर जाँचबुझ गरी निर्णय गर्ने, १२ बजेदेखि १ बजेसम्म नामावली प्रकाशन गर्ने जनाएको छ।
साथै दिउँसो १ बजेदेखि ४ बजेसम्म उम्मेदवारको नाम फिर्ता लिने र ४ देखि ५ बजेसम्म उम्मेदवारको अन्तिम नामावली प्रकाशन गर्ने कार्यक्रम छ।
फागुन २८, २०७९ आइतबार ११:३८:१२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
