सोमपाल कामीले क्यानडाको टि-२० लिग खेल्ने
काठमाडौं : नेपाली क्रिकेटर सोमपाल कामीले आगामी जुनमा हुने क्यानडाको घरेलु क्रिकेट प्रतियोगिता खेल्ने भएका छन्।
तीव्र गतिका बलर कामीले क्यानडामा आयोजना हुने फ्लावर सिटी टी–२० लिग २०२३ खेल्ने भएका हुन्।
उनी ओटावा फाल्कोन क्लमा आवद्ध भएको क्यानडा क्रिकेट बोर्डले जनाएको छ।
सोमपाल रहेको टोलीमा चाडविक वाल्टन आइकोन खेलाडी छन्। सोमपाल र चाडविकले केहि महिनाअघि नेपाल टि–२० लिग जनकपुर रोयल्सबाटसँगै खेलेका थिए।
प्रतियोगितामा ६ टोलीबीच प्रतिस्पर्धा हुनेछ। प्रतियोगिता आगमी जुन ९ देखि १९ सम्म चल्नेछ। सोमपालले खेल्ने यो तेस्रो विदेशी लिग हुनेछ।
सोमपालले क्यानडामा नै २०१९ मा भएको ग्लोबल टि–२० विनिपेग हक्सबाट खेल्दै च्याम्पियन बनेका थिए। २०२० को टि टेन लिग सोमपालले मराठा अरेबियन्सबाट खेलेका थिए।
फागुन २७, २०७९ शनिबार १०:५१:३८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
