मुलपानी, साँखु र जोरपाटी क्षेत्रमा दिनभर विद्युत् आपूर्ति बन्द हुने
काठमाडौं : काठमाडौंको जोरपाटी क्षेत्रमा दिनभर विद्युत् आपूर्ति बन्द हुने भएको छ।
नेपाल विद्युत् प्राधिरकण जोरपाटी वितरण केन्द्रले एक सूचना निकालेर यस क्षेत्रमा दिनभर विद्युत् आपूर्ति बन्द हुने जनाएको हो।
मूलपानी, साँखु, डाँछी फिडरको कन्डक्टर अपग्रेडिङ तथा नयाँ फिडर निर्माण कार्य गर्नुपर्ने भएकोले पहेँलो पुल, शिव चोक, ग्रिनहिल सिटी, मूलपानी, थली, हरियाली नगर, दक्षिण ढोका, मूलपानी चौर, डाँछी, अलापोट, भद्रवास, सलम्बुटार लगायतका क्षेत्रमा विहान १० बजेदेखि साँझ ५ बजेसम्म विद्युत् आपूर्ति बन्द हुन लागेको हो।
निर्धारित समय अगावै कार्य सम्पन्न भएमा विद्युत लाइन सुचारू हुने प्राधिकरणले जनाएको छ।
फागुन २७, २०७९ शनिबार ०७:४३:३३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
