वीरगञ्जमा दुई मोटरसाइकल जुध्दा एक जनाको मृत्यु, अर्का एक घाइते
पर्सा : वीरगञ्ज महानगरपालिका–१४ गण्डक चोकमा गएराति दुईवटा मोटरसाइकल आपसमा ठोकिँदा १ जनाको मृत्यु भएको छ। एक जना घाइते भएका छन्।
वीरगञ्ज–पथलैया सडक खण्डमा पथलैयाबाट वीरगञ्जतर्फ आउँदै गरेको प्रदेश २–०३–००४ प ७९३० नम्बरको मोटरसाइकल र विपरीत दिशाबाट जाँदै गरेको ना २५ प ४००३ नम्बरको मोटरसाइकल गएराति ९ बजे आपसमा ठोकिएका थिए।
घाइते भएका दुवै मोटरसाइकलका चालकहरूलाई उपचारको लागि एल एस न्यूरो अस्पताल बारा पठाइएकोमा ७९३० नम्बरका मोटरसाइकलका चालक बाराको परवानीपुर गाउँपालिका–४ चैनपुरका अन्दाजी २६ बर्षीय सुरज सराफको उपचारको क्रममा राती २ बजे मृत्यु भएको हो।
अर्का चालकको अवस्था मध्यम रहेको प्रहरी चौकी गण्डकले जनाएको छ।
फागुन २५, २०७९ बिहीबार १०:३२:५३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
