नेपालले टस हार्यो, एक खेलाडी परिवर्तन
काठमाडौं : आईसिसी विश्वकप लिग-२ त्रिकोणात्मक सिरिज अन्तर्गत घरेलु मैदानमा हुन लागेको अन्तिम सिरिजको पहिलो खेलमा नेपालले पपुवा न्युगिनीविरुद्ध टस हारेको छ।
टियु क्रिकेट मैदानमा भएको टसमा पपुवा न्युगिनीका कप्तान असद भालाले टस जितेर पहिला फिल्डिङ गर्ने निर्णय लिएका छन्। योसँगै नेपालले पहिला ब्याटिङ गर्ने भएको छ।
नेपालले आजको खेलमा टोलीमा एक परिवर्तन गरेको छ। आजको खेलमा कुशल भुर्तेल प्लेइङ ११ मा आउँदा प्रतिश जीसीलाई बेन्चमा राखिएको छ।
कुशलले युएईसँगको अन्तिम खेल ग्रोइन समस्याको कारण गुमाएका थिए। तर उनी फिट भएपछि प्रतिश बाहिर बसेका हुन्।
फागुन २५, २०७९ बिहीबार ०८:५९:५३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
