काभ्रेमा कौडाको खालबाट नौ जना पक्राउ, १ लाख ७३ हजार बरामद
१ वर्ष अघि
काभ्रे : धुलिखेल नगरपालिका–३ स्थित ग्रेस होटलमा कौडा खेलिरहेको अवस्थामा प्रहरीले नौ जनालाई पक्राउ गरेको छ।
पक्राउ पर्नेमा सोही नगरपालिका–५ बस्ने २७ वर्षीय महेन्द्र दाहालसहित नौ जना रहेका छन्। उनीहरूलाई सोमबार राति प्रहरीले पक्राउ गरेको हो।
होटलमा कौडा खेलिरहेको भन्ने सूचनाका आधारमा जिल्ला प्रहरी कार्यालयबाट खटिएको प्रहरीले उनीहरूलाई नगद १ लाख ७३ हजार ३२ रुपैयाँ र १६ थान कौडा सहित फेला पारी पक्राउ गरेको हो।
यस सम्बन्धमा प्रहरीले आवश्यक अनुसन्धान गरिरहेको छ।
फागुन २३, २०७९ मंगलबार १२:२८:१० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
