नेपाली फ्यानबाट एकदमै धेरै ‘हेट म्यासेज’ आइरहेको छ : रोहन मुस्तफा
काठमाडौं : युएईका राष्ट्रिय क्रिकेट टिमका सदस्य रोहन मुस्तफाले नेपाली फ्यानहरूबाट आफूले एकदमै धेरै हेट म्यासेज प्राप्त गरिरहेको बताएका छन्।
मंगलबार सामाजिक सञ्जाल इन्स्टाग्राममार्फत उनले आफूलाई हेट म्यासेज आएको जानकारी गराएका हुन्। यद्यपि उनले हेट म्यासेजभन्दा धेरै लभ म्यासेज आइरहेको समेत बताएका छन्।
‘मैले एकदमै धेरै घृणाभावले भरिएका म्यासेज पाइरहेको छु, तर त्योभन्दा बढि मायाका सन्देशहरू पाइरहेको छु,’ उनले लेखेका छन्, ‘तपाईंहरू मलाई माया गर्नुस् वा घृणा तर म सधैँ माया नै गरिरहनेछु।’
उनले आफू नेपाल आउन लागेको समेत जानकारी गराएका छन्।
सोमबार नेपाल र युएईबीच भएको खेलमा मुस्तफा र सन्दीप लामिछानेबीच मैदानमा गर्मागर्मीको अवस्था सिर्जना भएको थियो।
फागुन २३, २०७९ मंगलबार ११:१५:४७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
