अजय देवगनको एक्सनले भरिएको ‘भोला’को ट्रेलर रिलिज
एजेन्सी : भारतीय अभिनेता अजय देवगन अभिनित फिल्म ‘भोला’ को ट्रेलर सार्वजनिक भएको छ।
अजयले आफ्नो सामाजिक सञ्जालमार्फत ट्रेलर सार्वजनिक गरेका हुन्। २ मिनेट ३३ सेकेन्डकाे उक्त ट्रेलरमा अजय खरानी लगाएर एक्सन गरिरहेको देख्न सकिन्छ।
फिल्ममा अजयसँगै तब्बु, अमला पल, सञ्जय मिश्रा, दीपक डोबरियाल, गजराज राव र विनीत कुमारको अभिनय छ। फिल्ममा तब्बु पुलिस अफिसरको भूमिकामा देखिएकी छन्।
देवगनले नै निर्देशन गरेको फिल्म चैत ३० गतेबाट हलमा रिलिज हुँदैछ।
‘भोला’ साउथको सुपरहिट फिल्म ‘कैथी (२०१९०)’ को रिमेक हो र १०० करोडको बजेटमा बनेको यो फिल्म थ्रीडीमा पनि रिलिज हुँदैछ।
फागुन २३, २०७९ मंगलबार ०९:५७:०२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
