झारफुक गर्ने बहानामा कुटपिट गरी १४ वर्षीया किशोरीको हत्या, एक जना पक्राउ

बुटवल : झारफुक गर्ने बहानामा कुटपिट गरी किशोरीको हत्या गर्ने एक जनालाई इलाका प्रहरी कार्यालय सालझण्डीले पक्राउ गरेको छ। पक्राउ पर्नेमा रुपन्देहीको सैनामैना नगरपालिका वडा नं. १० की २२ वर्षीया सोनिया रेश्मी रहेकी छिन्।

सैनामैना वडा नं. १० झिमझिमेकी १४ वर्षीया सीता ज्ञवालीलाई झारफुक गर्ने बहानामा रेश्मीले कुटपिट गर्दा मृत्यु भएको आरोपमा प्रहरीले उनलाई पक्राउ गरेको हो।

घटना फागुन २० गतेको हो। कुटपिटबाट मृत्यु भएकी ज्ञवालीको राति नै दाहसंस्कार गरेको सूचना प्रहरीमा पुगेपछि प्रहरीले अनुसन्धान गरेको थियो।

अनुसन्धानका क्रममा झारफुक गर्ने बाहानामा ज्ञवालीको कुटपिट बाट मृत्यु भएको देखिएपछि रेश्मीलाई पक्राउ गरिएको जिल्ला प्रहरी कार्यालय रुपन्देहीका प्रवक्ता प्रहरी नायव उपरीक्षक श्याम अर्यालले जानकारी दिए।

फागुन २२, २०७९ सोमबार १८:०४:३३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।